सिन्धुलीमा बस दुर्घटना, ६ को मृत्यु, २४ घाइते

###

२२ बैशाख, काठमाडौं । सिन्धुलीमा सोमबार बिहान भएको सवारी दुर्घटनामा ६ जनाको मृत्यु भएको छ । २४ जना घाइते भएका छन् । काठमाडौंबाट सिन्धुली चकमके जाँदै गरेको बा २ ख ६६०६ नम्बरको बस सिन्धुलीकै कर्करे भन्ने स्थानमा दुर्घटना भएको हो ।

 दुर्घटनामा ज्यान गुमाएका तथा घाइते भएकाहरुको परिचय खुल्न सकेको छैन् । घाइते २४ जनाको विभिन्न स्वास्थ्य संस्थामा उपचार भइरहेको छ । जिल्ला प्रहरी कार्यालय सिन्धुलीले २४ जना घाइतेलाई अस्पताल पठाएको र उद्दार कार्य जारी रहेको जनाएको छ । बस अनियन्त्रित भएर दुर्घटना भएको हो ।

##