###
|
दोलखा, असार १५ - छोरीलाई दुई वर्षदेखि लगातार बलात्कार गर्ने एक युवकलाई अदालतले १५ वर्ष जेल सजाय सुनाएको छ । हाडनाता र जबर्जस्ती करणीको सिकार किशोरीलाई दोलखा जिल्ला अदालतले संरक्षणात्मक आदेश जारी गर्दै पीडकका तर्फबाट १ लाख २५ हजार क्षतिपूर्ति भराउने फैसला गरेको छ ।किशोरीले आफू बाबुद्वारा यौन सिकार हुँदै आएको भन्दै दिएको उजुरीमा ३७ वषर्ीय युवकलाई सजाय तोकेको हो । एसएलसी परीक्षामा बाधा पर्छ भनेर पीडा खेप्दै आएकी उनले आमालाई पटकपटक बताएपछि मात्र घटना कानुनी दायरामा आएको हो ।
युवकले परिवार नियोजन गरेको फाइदा उठाउँदै छोरीलाई ८ कक्षा पढ्न थालेदेखि नै बलात्कार गर्ने गरेको दाबीसहित प्रहरीले मुद्दा दायर गरेको थियो । लुगा खोलेको देखेपछि अपराधको मनसाय आएको र प्रतिवाद नभएपछि थप कुकृत्य गर्न उक्सँदै गएको युवकले प्रहरीमा बयान दिएका थिए ।
|
##
|
0 comments:
...