अध्यक्ष ओलीले भने: ‘चरी’ घटना सुनियोजित हो

###

काठमाडौं, श्रावण २२ ।  प्रहरी कारबाहीमा मारिएका दिनेश अधिकारी ‘चरी’को परिवारका सदस्य र धादिङका सभासद्हरुले एमाले अध्यक्ष केपी ओलीलाई भेट गरी घटनाबारे छानबीन गर्न माग गरेका छन् ।
धादिङका एमाले सभासद् राजेन्द्र पाण्डेको नेतृत्वमा बल्खु पुगेको टोलीले दिनेश अ

धिकारी चरीलाई नियोजित ढंगले मारिएको भन्दै घटनामा संलग्न प्रहरीहरुको निलम्बनको माग गरेको थियो ।
उनीहरुले निलम्बन प्रक्रियाका लागि छानबीन समिति गठन नगरेसम्म शव नबुझ्ने अडान समेत लिएका छन् । बल्खु पुगेको टोलीका सदस्यहरुले घटनास्थल प्रवेशमा प्रहरी प्रशासनले रोक लगाएको भन्दै संसदले समेत घटनाबारे छानबीन गर्न समिति बनाउन माग गरेका थिए ।
टोलीसँगको भेटपछि एमाले अध्यक्ष केपी शर्मा ओलीले पनि घटना नियोजित भएको भन्दै संसदीय समिति गठन गरेर छानबीन गर्नुपर्ने बताए । जनताको बलिदानी दिएर ल्याएको लोकतन्त्रमा कसैको अधिकार हनन हुन नहुने भन्दै उनले नागरिकको सुरक्षार्थ खटिएका प्रहरीबाट प्रष्ट कारण बिना कसैको हत्या हुनु निन्दनीय भएको बताए ।
त्यसक्रममा ओलीले दिनेश अधिकारीसंगको सम्बन्धलाई लिएर आफुलाई पनि विवादमा तान्ने प्रयास गरेको भन्दै संचार माध्यमहरुप्रति आक्रोश समेत पोखे । घटनाबारे छानवीन गर्न माग गर्दै एमाले मुख्यालय पुगेका धादिङबासीहरुले प्रहरीविरुद्ध नारावाजी समेत गरेका थिए ।

##