चरीको विषयमा गृहमन्त्रीको जवाफमा एमाले सभासद्को कडा आपत्ति

###

काठमाडौं, साउन २३ – गुण्डा नाइके भनेर चिनिने नेकपा एमालेका कार्यकर्ता दिनेश अधिकारी चरीको मृत्यु सम्बन्धमा गृहमन्त्री वामदेव गौतमले सदनमा दिएको जवाफप्रति एमाले सभासद राजेन्द्र पाण्डेले चर्को विरोध जनाउनुभएको छ ।

शुक्रबार ब्यवस्थापिका संसदमा गृहमन्त्री गौतमले जवाफ दिनेवित्तिकै पाण्डेले उठेर त्यसमा आपत्त्ति जनाउनुभयो । पाण्डेले उठेर विरोध गरेपनि सभामुख सुवास नेम्बाङले गृहमन्त्रीको जवाफमा टिप्पणी गर्ने ब्यवस्था नभएको भन्दै पाण्डेलाई बोल्न समय दिनुभएन ।
सभामुखले रोकेपनि पाण्डेले भने जनताको छोरो मारिदाँ पनि सरकार उदासिन भएको भन्दै आफ्नै पार्टीका उपाध्यक्ष समेत रहेका गौतमको कडा आलोचना गर्नुभयो । एमाले धादिङ क्षेत्र नम्बर १ का निवर्तमान उपाध्यक्ष चरीको बुधबार बेलुका ५ बजे प्रहरी कारबाहीमा काठमाडौको भीमढुंगामा ज्यान गएको थियो ।
बिहीबारको संसद बैठकमा पाण्डे लगायतका धादिङका एमाले सभासदहरुले चरीको नियोजित रुपमा हत्या भएको भन्दै सरकारको जवाफ मागेका थिए ।
यो पनि पढ्नु होस्

चरीको मृत्यु प्रहरीसँगको भिडन्तमा नै : गृहमन्त्री

##