प्रधानमन्त्रीको सौचालय मर्मतमा घुस

###

काठमाडौँ: निर्माणको सम्झौता म्याद थप गर्ने सिलसिलामा घुस लिएको अभियोगमा भवन निर्माण सम्भार डिभिजन कार्यालयका अनामनगरका अधिकारीविरुद्ध आज अख्तियार दुरुपयोग अनुसन्धान आयोगले विशेष अदालतमा आरोपपत्र दायर गरेको छ ।

प्रधानमन्त्री निवास बालुवाटारको शौचालय निर्माण र उपराष्ट्रपति निवासको भवनको छतमा कोठा निर्माण गर्ने ठेक्का लिई कार्य सञ्चालन भइरहेको अवस्थामा सम्झौता म्याद थप गर्ने क्रममा सो कार्यालयका प्रमुख लेखा नियन्त्रक सुरेशकृष्ण शर्मा, लेखा अधिकृत यदबहादुर तिम्सिना र अधिकृत रोशनकुमार कठायतले गरेको कसुर पुष्टि भएको जिकिर आयोगले गरेको छ ।

शर्मा र निम्सिनाका हकमा बिगो रु ४० हजार तथा कठायतका हकमा बिगो रु १० हजार कायम गरी हदैसम्मको सजायको माग दाबी गरिएको आयोगद्वारा जारी विज्ञप्तिमा जनाइएको छ । रासस

##