रगत पनि ६-७ दिन जान्छ।

###

म २५ वर्षीया गृहणी हुँ। मेरा दुई सन्तान छन्। मेरो महिनावारी नियमित छ, तर विगत ५ महिनादेखि महिनावारीमा रक्तश्राव बढी हुन्छ। दैनिक ५-६ वटा प्याड फेर्नुपर्छ। रगत पनि ६-७ दिन जान्छ। मैले के गर्ने होला ?

जे.
डा.बालकृष्ण साह

महिना-महिना दिनको अन्तरमा हुने रक्तश्राव नै महिनावारी हो र सामान्यतः यो २१ दिनदेखि ३५ दिनको अन्तरमा ३ देखि ५ दिन वा ७ दिनसम्म हुन्छ। पहिलो दिन कम रगत गए पनि दोस्रो-तेस्रो दिन ८० मिलिग्रामसम्म रगत जान सक्छ अर्थात् ३-४ वटा प्याड फेर्नुपर्ने हुन सक्छ। उक्त अवधिभन्दा बढी दिन वा ८० मिलिग्रामभन्दा बढी रगत गए वा दुवै भएको अवस्थालाई मेनोरेजिया भनिन्छ। यो अवस्थामा रगत धेरै जाने भएकाले उपचार आवश्यक हुन्छ। मेनोरेजियाका धेरै कारण भएकाले पत्ता लगाउन विभिन्न परीक्षण गराउनुपर्ने हुन सक्छ। धेरैवटा अवस्थामा औषधिको सेवनले नै यसलाई ठीक गर्न सकिन्छ। कुनै-कुनै अवस्था तथा औषधिले सम्भव नभएको खण्डमा पाठेघरको शल्यक्रिया पनि गर्नुपर्ने हुन सक्छ। यस्तो अवस्थामा कसै-कसैलाई परिवार नियोजनको अस्थायी साधन खानेचक्कीले पनि फाइदा गर्छ।

##