###
|
काठमाडौं : वीर अस्पतालभन्दा करिब सय मिटरभित्र महाबौद्धको गल्लीमा गत भदौ २८ गते तिलकप्रसाद गौतमले जुत्ता पसल थाल्दा पसलमा आएर शुभकामना दिनेको ठूलै भीड थियो। गरिबीबाट उन्मुक्ति पाउने सपना पूरा गर्न भाइ रुद्रप्रसादलाई साथमा लिएर थालेको पसल सोमबार साँझ बन्द गरेर हिँडेका उनी अब कहिल्यै नफर्किने बाटोमा गएका छन्।
महोत्तरीको बर्दिबासमा रहेको आफ्नो जीर्ण घर मर्मत गर्ने र बाबुआमालाई काठमाडौंमै ल्याएर राख्ने गौतम दाजुभाइको सपना सोमबार साँझ बबरमहलमा भएको बस दुर्घटनाले उडाइदियो। साँझ पसल बन्द गरेर केही थान जुत्ता बेचेको पैसासहित तीनकुने डेरा फर्किएका उनीहरूको बाटैमा मृत्यु भयो।
तिहार नजिकिँदै गर्दा छेउछाउका पसलमा भीड बढेको छ तर तिलकको कालो सटर बन्द छ। ६ वर्षसम्म अर्कैको पसलमा काम गरेका तिलकले बिरामी बुबाको उपचार र घरखर्चका लागि ठूलै जोखिम उठाएका थिए। भएभरको जग्गा बेचेर र बैंकमा धितो राखेर पसल थाल्न बुबा सूर्यप्रसाद र आमा सावित्रा दुवैले सहमति दिएका थिए।
आफ्ना दुवै छोरालाई बसले एकैसाथ किचेको सुनेपछि सूर्यप्रसाद र सावित्रा दर्जनौंपटक मूर्छित भइसके। 'हामीलाई हेर्ने कोही रहेन, अब बाँच्नु कसरी', छोराको अन्तिम संस्कार गर्न पशुपति आर्यघाट आइपुगेका सूर्यप्रसादले भने। आर्थिक रूपमा विपन्न उनीहरूलाई काठमाडौंसम्म ल्याउने कामसमेत छिमेकीले गरेका थिए।
२७ वर्षीय तिलकले गत वर्ष बर्दिबासकी निशा पोखरेलसँग प्रेमविवाह गरेका थिए। दसैं मनाउन घर गएकी निशा तिहारपछि मात्रै आउनेगरी उतै बसेकी थिइन्। दुर्घटनामा पतिको ज्यान गएको सुनेपछि बेहोस भएकी १९ वर्षीया निशा अझै राम्ररी होसमा आएकी छैनन्। चार महिनाकी गर्भवती निशाको स्वास्थ्य बिग्रँदै गएको छ। 'दिनमा दसौंपटक बेहोस हुन्छे। अब कसरी समाल्ने हो थाहा छैन', उनका दाजु रूपेशले अन्नपूर्णसँग भने।
तिलकले बर्सौंदेखिको मोटरसाइकल किन्ने रहर पनि गत वैशाखमा पूरा गरेका थिए। तर त्यही मोटरसाइकल उनका लागि काल बनेर आइदियो। आफ्नै पसल थाल्ने र दिनभरि खटिने योजनामा उनलाई मोटरसाइकलको आवश्यकता पनि थियो। 'अब व्यापार गर्न पनि सजिलो हुन्छ, केही गर्ने योजना छ', पसल थाल्नुअघि उनले काका देवेन्द्र गौतमलाई भनेका थिए। बा ६२ प ३६९८ नम्बरको मोटरसाइकल तिलक चलाउँथे। रुद्र पछाडि बस्थे।
पसल थालेको छोटो समयमै राम्रो व्यापार भएकोमा उनीहरू खुसी थिए। एक्लै पसल थाल्नुअघि तिलकले लालहरि पहाडीसँग मिलेर पसल चलाएका थिए। एसएलसी उत्तीर्ण गरेपछि काका देवेन्द्रको सहयोगमा काठमाडौं आएका तिलकले कक्षा १२ पास गरेपछि भाइलाई पनि काठमाडौं बोलाएका थिए।
सहारा गुमेपछि अप्ठ्यारोमा परेको गौतम परिवारलाई बर्दिबासमा छिमेकीले सहयोग गरिरहेका छन्। 'उहाँहरूसँग दैनिक जीवन गुजाराका लागिसमेत कुनै उपाय देखिँदैन। हामीले सक्दो सहयोग गरेका छौं', दाहसंस्कारका लागि बुबाआमा लिएर काठमाडौं आएका युवा संघ महोत्तरीका अध्यक्षसमेत रहेका अम्बिकाप्रसाद गौतमले भने।
बबरमहल दुर्घटना छानबिन समिति
तीनजनाको ज्यान लिने गरी राजधानीको बबरमहलमा भएको सडक दुर्घटनाबारे छानबिन गर्न सरकारले समिति गठन गरेको छ। समितिले चितवनको फिस्लिङमा चारजनाको ज्यान जानेगरी भएको सडक दुर्घटनाबारे पनि छानबिन गरी प्रतिवेदन बुझाउनेछ।
भौतिक पूर्वाधार तथा यातायात मन्त्रालयका सहसचिव विष्णुओम वादेको संयोजकत्वमा सात सदस्यीय छानबिन समिति गठन भएको हो। समितिमा यातायात व्यवस्था विभागकी निर्देशक इन्द्रकुमारी थपलिया, सडक विभागका विजय महतो, यातायात विभागका इन्जिनियर गोगनबहादुर हमाल, महानगरीय ट्राफिक प्रहरी महाशाखाका प्रतिनिधि, नेपाल यातायात व्यवसायी राष्ट्रिय महासंघका प्रतिनिधि छन्।
समितिको सदस्यसचिवमा भौतिक पूर्वाधार तथा यातायात मन्त्रालयका शाखा अधिकृत सोमराज बराललाई तोकिएको छ। समितिलाई १५ दिनभित्र प्रतिवेदन बुझाउन भनिएको छ।
महोत्तरीको बर्दिबासमा रहेको आफ्नो जीर्ण घर मर्मत गर्ने र बाबुआमालाई काठमाडौंमै ल्याएर राख्ने गौतम दाजुभाइको सपना सोमबार साँझ बबरमहलमा भएको बस दुर्घटनाले उडाइदियो। साँझ पसल बन्द गरेर केही थान जुत्ता बेचेको पैसासहित तीनकुने डेरा फर्किएका उनीहरूको बाटैमा मृत्यु भयो।
तिहार नजिकिँदै गर्दा छेउछाउका पसलमा भीड बढेको छ तर तिलकको कालो सटर बन्द छ। ६ वर्षसम्म अर्कैको पसलमा काम गरेका तिलकले बिरामी बुबाको उपचार र घरखर्चका लागि ठूलै जोखिम उठाएका थिए। भएभरको जग्गा बेचेर र बैंकमा धितो राखेर पसल थाल्न बुबा सूर्यप्रसाद र आमा सावित्रा दुवैले सहमति दिएका थिए।
आफ्ना दुवै छोरालाई बसले एकैसाथ किचेको सुनेपछि सूर्यप्रसाद र सावित्रा दर्जनौंपटक मूर्छित भइसके। 'हामीलाई हेर्ने कोही रहेन, अब बाँच्नु कसरी', छोराको अन्तिम संस्कार गर्न पशुपति आर्यघाट आइपुगेका सूर्यप्रसादले भने। आर्थिक रूपमा विपन्न उनीहरूलाई काठमाडौंसम्म ल्याउने कामसमेत छिमेकीले गरेका थिए।
२७ वर्षीय तिलकले गत वर्ष बर्दिबासकी निशा पोखरेलसँग प्रेमविवाह गरेका थिए। दसैं मनाउन घर गएकी निशा तिहारपछि मात्रै आउनेगरी उतै बसेकी थिइन्। दुर्घटनामा पतिको ज्यान गएको सुनेपछि बेहोस भएकी १९ वर्षीया निशा अझै राम्ररी होसमा आएकी छैनन्। चार महिनाकी गर्भवती निशाको स्वास्थ्य बिग्रँदै गएको छ। 'दिनमा दसौंपटक बेहोस हुन्छे। अब कसरी समाल्ने हो थाहा छैन', उनका दाजु रूपेशले अन्नपूर्णसँग भने।
तिलकले बर्सौंदेखिको मोटरसाइकल किन्ने रहर पनि गत वैशाखमा पूरा गरेका थिए। तर त्यही मोटरसाइकल उनका लागि काल बनेर आइदियो। आफ्नै पसल थाल्ने र दिनभरि खटिने योजनामा उनलाई मोटरसाइकलको आवश्यकता पनि थियो। 'अब व्यापार गर्न पनि सजिलो हुन्छ, केही गर्ने योजना छ', पसल थाल्नुअघि उनले काका देवेन्द्र गौतमलाई भनेका थिए। बा ६२ प ३६९८ नम्बरको मोटरसाइकल तिलक चलाउँथे। रुद्र पछाडि बस्थे।
पसल थालेको छोटो समयमै राम्रो व्यापार भएकोमा उनीहरू खुसी थिए। एक्लै पसल थाल्नुअघि तिलकले लालहरि पहाडीसँग मिलेर पसल चलाएका थिए। एसएलसी उत्तीर्ण गरेपछि काका देवेन्द्रको सहयोगमा काठमाडौं आएका तिलकले कक्षा १२ पास गरेपछि भाइलाई पनि काठमाडौं बोलाएका थिए।
सहारा गुमेपछि अप्ठ्यारोमा परेको गौतम परिवारलाई बर्दिबासमा छिमेकीले सहयोग गरिरहेका छन्। 'उहाँहरूसँग दैनिक जीवन गुजाराका लागिसमेत कुनै उपाय देखिँदैन। हामीले सक्दो सहयोग गरेका छौं', दाहसंस्कारका लागि बुबाआमा लिएर काठमाडौं आएका युवा संघ महोत्तरीका अध्यक्षसमेत रहेका अम्बिकाप्रसाद गौतमले भने।
बबरमहल दुर्घटना छानबिन समिति
तीनजनाको ज्यान लिने गरी राजधानीको बबरमहलमा भएको सडक दुर्घटनाबारे छानबिन गर्न सरकारले समिति गठन गरेको छ। समितिले चितवनको फिस्लिङमा चारजनाको ज्यान जानेगरी भएको सडक दुर्घटनाबारे पनि छानबिन गरी प्रतिवेदन बुझाउनेछ।
भौतिक पूर्वाधार तथा यातायात मन्त्रालयका सहसचिव विष्णुओम वादेको संयोजकत्वमा सात सदस्यीय छानबिन समिति गठन भएको हो। समितिमा यातायात व्यवस्था विभागकी निर्देशक इन्द्रकुमारी थपलिया, सडक विभागका विजय महतो, यातायात विभागका इन्जिनियर गोगनबहादुर हमाल, महानगरीय ट्राफिक प्रहरी महाशाखाका प्रतिनिधि, नेपाल यातायात व्यवसायी राष्ट्रिय महासंघका प्रतिनिधि छन्।
समितिको सदस्यसचिवमा भौतिक पूर्वाधार तथा यातायात मन्त्रालयका शाखा अधिकृत सोमराज बराललाई तोकिएको छ। समितिलाई १५ दिनभित्र प्रतिवेदन बुझाउन भनिएको छ।
|
##
|
0 comments:
...