गाई मारेको अभियोगमा तीन पक्राउ

###

सोलुखुम्बु, असोज २६ – चौरीखर्क–४ बस्ने पासाङ याङ्जी शेर्पाको एउटा गाई र एउटा गोरु चोरेर मारेको अभियोगमा बुङ–८ सोलुखुम्बुका रजप्रसाद राईलाई प्रहरीले पक्राउ गरेको छ । असोजको पहिलो हप्ता नै गाई र गोरु मारेर फरार रहेका राईलाई प्रहरीले आज पक्राउ गरेको प्रहरी नायब उपरीक्षक योगबहादुर पालले जानकारी दिए । सोही घटनामा संलग्न बुङका गञ्जधन राई र चौरीखर्कका दावाकाजी शेर्पालाई असोज ८ गते नै पक्राउ गरिएको थियो । पक्राउ परेकाहरुलाई अदालतबाट म्याद थप गरी अनुसन्धान गरिरहेको पनि प्रनाउ पालले बताए । रासस 

##