गुल्मीमा जिप दुर्घटना, २ को मृत्यु, ४ घाइते

###

गुल्मीमा जिप दुर्घटना, २ को मृत्यु, ४ घाइते
प्रेम सुनार गुल्मी, असोज २५ ।

गुल्मीको जोहाङ्गमा जिप दुर्घटना हुँदा दुई जनाको घटना स्थलमैं मृत्यु भएको छ । घटना स्थलबाट ४ जना घाईते भएका छन् । जोहाङ्गको खैरेनीबाट भार्से तर्फ जाँदै गरेको लु १ च ५७६७ नम्वरको रातो प्लेटवाला जिप जोहाङ्ग ६ को सालघारी भन्ने स्थानमा दुर्घटना हुँदा जुनिया–६ का ६० वर्षिय जितबहादुर परियार र लिम्घा ६ का ४० वर्षिय जगबहादुर बि.क.को घटना स्थलमैं मृत्यु भएको प्रहरीले जनाएको छ । जिल्ला प्रहरी कार्यालयका सुचना अधिकृत प्रहरी निरीक्षक महेन्द्र नेपालका अनुसार घाइते हुनेहरुमा पल्लीकोट– ८ का २५ वर्षिय अनिता परियार, जोहाङ्ग ५ की ४५ वर्षिया रेविती परियार , लिम्घा ६ की ४० वर्षिया शान्ति परियार रहेका छन् । जिप सडकदेखि करिव २० मिटर तल खसेको जानकारी प्राप्त भए पनि दुर्घटनाको कारण खुली नसकेको प्रहरी निरीक्षक नेपालले बताए ।

##