नयाँ शिक्षकले आफूखुशी विद्यालय रोज्न नपाउने (विभागको परिपत्रसहित)

###

काठमाडौं, साउन २२ – शिक्षक सेवा आयोगको परीक्षामा सर्वोत्कृष्ट नतिजा ल्याउने शिक्षकले आफू खुशी विद्यालय रोज्न नपाउने भएका छन् ।

शिक्षा विभागले मेरिटको आधारमा राम्रो नतिजा ल्याउने शिक्षकले आफू खुशी पढाउने विद्यालय रोज्न पाउने व्यवस्थालाई नयाँ परिपत्र जारी गर्दै विस्थापित गरेपछि शिक्षकले विद्यालय रोज्न नपाउने भएका हुन् ।
विभागको यो निर्णयले सर्वोत्कृष्ट नम्बर ल्याउने शिक्षकहरुले भने आफूहरु मर्कामा परेको गुनासो गरेका छन् । विभागले मुलुकभरका शिक्षा कार्यालयलाई साउन ८ गते नयाँ परिपत्र जारी गरेर अपांग र महिलालाई प्राथमिकता दिन निर्देशन दिएको छ । यो निर्देशनपछि मेरिटका आधारमा राम्रो नतिजा ल्याउने शिक्षक स्वयमले आफूलाई पायक पर्ने विद्यालय रोज्न नपाउने विभागका निर्देशक टेकनारायण पाण्डेले बताउनुभयो ।

##