गोरखपुरमा दुई रेल ठोक्किँदा १२ जनाको मृत्यु

###

काठमाडौं, आश्विन १५ । भारतको उत्तरप्रदेशस्थित गोरखपुरमा रेल दुर्घटना हुँदा १२ जनाको मृत्यु भएको छ । दुई रेल एकापसमा ठोक्किँदा ४५ जना घाइते भएका त्यहाँको प्रहरीले जनाएको छ ।

लखनउ–बरौनी र कृषक एक्सप्रेस एकापसमा ठोक्किएका हुन् । घाइतेमध्ये १२ को अवस्था चिन्ताजनक रहेको जनाइएको छ ।

मृत्यु भएकाको परिवारलाई दुई लाख तथा घाइतेलाई जनही ५० हजार भारुका दरले सहायता दिने घोषणा स्थानीय प्रशासनले गरेको छ ।

##