बंगुरलाई दाना हाल्न गएका व्यक्तिको खुकुरी प्रहार गरी हत्या

###

दाङ, कार्तिक ११ । दाङको घोराही नगरपालिका ११ कपासी बगियास्थित नयाँ बस्तीमा रोल्पा पाछाबाङ २ का दिपेन्द्रबहादुर बुढामगरको खुकुरी प्रहार गरी हत्या गरिएको छ । गएराति आफ्नै बंगुर फार्ममा दाना हाल्न गएका उनलाई अज्ञात व्यक्तिले आक्रमण गरी हत्या गरेको हो ।
खुकुरी प्रहारबाट गम्भीर घाइते मगरको राप्ती उपक्षेत्रीय अस्पताल घोराहीमा मृत्यु भएको हो । अस्पताल अगाडी उनले होटल समेत संचालन गर्दै आएका थिए ।

##