###
|
काठमाडौं- मलेसियामा भइरहेको आइसिसी विश्व क्रिकेट लिग डिभिजन ३ अन्तर्गत नेपाल अहिले अमेरिकासँग भिडिरहेको छ। क्वालालम्पुरको किनरारा एकेडेमी अाेभल मैदानमा भइरहेको खेलमा टस जितेर ब्याटिङ सुरु गरेको अमेरिकाको पहिलो विकेट झरेको छ। साेमपाल कामीले ११ रन जाेडेका अाेपनर स्टेभन टेलरलाई अाउट गरेका हुन्। १६ अोभरको खेल सकिँदा अमेरिकाले १ विकेटको क्षतिमा ८२ रन बनाएको छ। कप्तान पारस खड्का आफै बलिङमा आएका छन्।
यसअघि हिजो सिंगापुरसँग भएको खेलमा उपकप्तान ज्ञानेन्द्र मल्लको शतक र सोमपाल कामीको उत्कृष्ट बलिङसँगै नेपालले सानदार जित हासिल गरेको थियो। आजको खेल जितेमा नेपाल डिभिजन २ मा उक्लने सम्भावना अझै बलियो हुनेछ। यसअघि नेपाल पहिलो खेलमा युगान्डासँग २० रनले पराजित भएको थियो भने दोस्रो खेलमा बर्मुडालाई ८ विकेटले हराएको थियो।
|
##
|
0 comments:
...