७ बजेको सट्टा राती ९ बजेसम्म देउसी भैलो खेल्न सकिने

###

काठमाडौं, कात्तिक ३ - गृह मन्त्रालयले देउसी भैलो खेल्न पाउने समय थपेको छ ।
यसअघि बेलुकी ७ बजेसम्म देउसी भैलो खेल्न आग्रह गरेको मन्त्रालयले सोमबार विज्ञप्ति निकालेर ९ बजेसम्म खेल्न सकिने जनाएको हो ।
बिभिन्न क्षेत्रबाट देउसी भैलोको समय थपका लागि अनुरोध भईआएको र जिल्ला प्रशासन कार्यालयहरुबाट समेत थप समय तोकिएमा जिल्लाको सुरक्षा व्यवस्थालाई नियन्त्रणमा राख्न सकिने प्रतिक्रिया प्राप्त हुन आएकाले ७ बजेलाई संशोधन गरी बेलुकी ९ बजेसम्म कायम गरिएको विज्ञप्तिमा उल्लेख छ ।
मन्त्रालयले देउसी भैलोको म्याद थप्न लागेको खबर  आइतबार नै प्रक्राशित भएको थियो । सरकारले देउसी भैलो खेल्न सीमित समय तोकेकोमा व्यापक आलोचना भैरहेको छ ।

##