भैलोखेल्न निस्किएका युवकको बोरामा बाँधेर फालेको अवस्थामा शब भेटियो

###

कार्तिक-१३, काठमाडौं ।
भैलो खेल्न साँझ घरबाट निस्किएका युवकको आज बिहान बोरामा बाँधेर फालेको अवस्थामा शब भेटिएको छ । नयाँबजारस्थित बसपार्क नजिकै गोरखा नगरपालिका–२ का १८ वर्षीय वीरबहादुर रम्तेलको शव बोरामा बाँधेर फालेको अवस्थामा भेटिएको हो ।


रम्तेलको अनुहारमा ढुङ्गाले प्रहार गरेको चोट छ ।“बेहोस अवस्थामा प्रहरीले रम्तेललाई बिहान सवा ६ बजे फेला पारेको हो”–प्रहरी नायब उपरीक्षक रमेश थापाल भने–“एम्बुलेन्समा राखेर उपचारका लागि गोरखा जिल्ला अस्पतालमा लगेका हौँ ।” उपचारका क्रममा रम्तेलको मृत्यु भएको गोरखा जिल्ला अस्पतालले जनाएको छ ।

रम्तेल सदरमुकाममा पेन्टिङ काम गर्थे ।के कारणले यस्तो दुर्घटना बह्यो भन्ने बिषयमा अनुसन्धान पनि थालिएको प्रहरीले जनाएको छ । शव परीक्षणका लागि अस्पतालमा राखिएको छ ।

##