यसरी हटाइयो हिन्दूराज्य पक्षका अनशनकारीलाई (भिडियोसहित)

###

काठमाडौं, कार्तिक ११ । काठमाडौं महानगरपालिकाले हिन्दूराज्यको माग राखी शान्तिबाटिकामा रिले अनशन बसेकाहरुलाई हटाएको छ । काठमाडौं महानगरपालिकाले प्रहरीको सहयोगमा अनशनकारीहरुालाई हटाएको हो ।

लामो समयदेखि अनशन बस्दा शान्तिबाटिका अस्तव्यस्त भएकाले अनशनकारीहरुलाई हटाइएको महानगरपालिकाका नगर निरीक्षक विष्णु जोशीले जानकारी दिए ।

बैदिक सनातन हिन्दूराष्ट्र नेपालले गत बैशाखदेखि हिन्दूराष्ट्रको माग राखी रिले अनशन गर्दे आएको छ । प्रहरीले बलपूर्वक हटाएको भन्दै यसको सशक्त विरोध गर्ने संस्थाका सल्लाहाकार कुमारबहादुर थापाले जानकारी दिए ।

महानगरपालिकाले बुधबार बिहान ७ बजे ३० जनाभन्दा बढीलाई अनशनस्थलबाट हटाएको हो । अनशनकारीहरुले घाँटीमा खुँडा, खुकुरी लिएर बसेका कारणले प्रहरीले अझै अनशनस्थल खाली गर्न सकेको छैन ।

##