ट्रकको ठक्करले दुई युवाको ज्यान गयो

###

बुटवल : सिद्धार्थ राजमार्गअन्तर्गत बुटवल–पाल्पा खण्डको पाल्पा दोभान गाविस–५ झुम्सामा मोटरसाइकल र ट्रक एकआपसरमा ठक्कर खाँदा दुई युवकको ज्यान गएको छ ।

बुटवलबाट पाल्पातर्फ जाँदै गरेको लु१क ७३० नम्बरको ट्रक र विपरीत दिशाबाट आउँदै गरेको लु१०प २०८४ नम्बरको मोटरसाइकल गयराति ठोक्किँदा दोभान गाविस–२ का करिब १८ वर्षीय खेमबहादुर गुरुङ र सोही गाविसको वडा नं ४ का पद्म श्रेष्ठको मृत्यु भएको क्षेत्रीय ट्राफिक प्रहरी कार्यालय बुटवलले जनाएको छ ।

मृतकको शव परीक्षणका लागि लुम्बिनी अञ्चल अस्पतालमा राखिएको छ । दुर्घटनापछि ट्रक र चालकलाई नियन्त्रणमा लिई अनुसन्धान थालिएको छ । रासस

##