नेपाललाई हिन्दूराज्य कायम गराउन देशब्यापी जनदबाब सिर्जना गर्छौं’

###

काठमाडौं, कार्तिक १९ । नेपाललाई सनातन धर्मसापेक्ष हिन्दूअधिराज्य कायम गराउन दबाब सिर्जना गर्ने एक कार्यक्रमका सहभागीहरुले बताएका छन् ।

‘जय शिव शम्भो सेवा समाज’, ‘योगी नरहरि नाथ ट्रष्ट आध्यात्मिक परिषद’ र ‘हनुमान आराधना मण्डल नेपाल’ले बुधबार राजधानीमा आयोजना गरेको कार्यक्रममा सहभागीहरुले नेपाललाई हिन्दूअधिराज्य कायम गराउन देशव्यापी रुपमा जनदबाब सिर्जना गर्ने बताए ।

कार्यक्रममा पूर्वमन्त्रीहरु बालाराम घर्तीमगर, दीपक बास्कोटा, पूर्वप्रधानसेनापति रुकमांगत कटुवाल, पूर्वसभामुख तारानाथ रानाभाटलगायतले सभासदहरुले हिन्दूराज्य कायम गराउन आ–आफ्नो क्षेत्रबाट पहल गर्नुपर्ने बताएका थिए । 

##