###
|
महोत्तरी : महोत्तरी जिल्लाका गाउँनगर बस्तीका इस्लाम धर्मावलम्बीले पनि दीपावली पर्वमा उत्साहपूर्ण सहभागिता जनाएका छन् ।
देउसीभैलो खेल्ने काममा पनि मुसलमान युवा सहभागी भएका छन् । तिहारमा इस्लाम धर्मावलम्बी युवाको सहभागिताले आपसी सद्भाव वृद्धिमा सहयोग पुगेको सुकुम्बासी समस्या समाधान समितिका अध्यक्षसमेत रहनुभएका बर्दिवास–७ का ५२ वर्षीय भानुभक्त पोखरेलले बताए ।
जिल्लाका सघन बस्तीका बर्दिवास, सीतापुर, सम्सी, मटिहानी, रामगोपालपुर, औरही, गौशालाजस्ता बजार क्षेत्रमात्र नभई जिल्ला सदरमुकाम जलेश्वर नगरका बस्तीमा पनि मुसलमान युवा दीपावली पर्वमा घर घरमा झिलिमिली बत्ती बाल्न र हिन्दू युवासँगसँगै देउसीभैलो खेल्न मग्न देखिएका छन् ।
दीपावली पर्वमा खासगरी युवाले गर्ने रमाइलोमा हिन्दू र इस्लाम युवा बराबरी देखिने गरेको भङ्ताहा–३ का ८० वर्षीय मुस्लिम अलिमन राइनले बताए ।
इदुलफित्र, इद–उल–जोहा, मुहर्रम र सवेबरातजस्ता आफ्ना पर्वमा हिन्दू युवाको हुने सक्रिय सहभागिताले आफूहरूलाई हिन्दूले मनाउने चाडबाडमा सहभागी हुन प्रेरित गरेको मुसलमान युवाको भनाइ छ ।
एउटै बस्तीका बासिन्दा भएकाले एकार्काको पर्वमा सहभागी हुँदा सामाजिक सम्बन्ध प्रगाढ हुनका साथै दुखःसुख बाँड्ने कुरामा आपसी सहयोग बढ्ने गरेको हसिर्वा–७ का ३० वर्षीय इस्लाम अन्सारीले बताए । रासस
जिल्लाका सघन बस्तीका बर्दिवास, सीतापुर, सम्सी, मटिहानी, रामगोपालपुर, औरही, गौशालाजस्ता बजार क्षेत्रमात्र नभई जिल्ला सदरमुकाम जलेश्वर नगरका बस्तीमा पनि मुसलमान युवा दीपावली पर्वमा घर घरमा झिलिमिली बत्ती बाल्न र हिन्दू युवासँगसँगै देउसीभैलो खेल्न मग्न देखिएका छन् ।
दीपावली पर्वमा खासगरी युवाले गर्ने रमाइलोमा हिन्दू र इस्लाम युवा बराबरी देखिने गरेको भङ्ताहा–३ का ८० वर्षीय मुस्लिम अलिमन राइनले बताए ।
इदुलफित्र, इद–उल–जोहा, मुहर्रम र सवेबरातजस्ता आफ्ना पर्वमा हिन्दू युवाको हुने सक्रिय सहभागिताले आफूहरूलाई हिन्दूले मनाउने चाडबाडमा सहभागी हुन प्रेरित गरेको मुसलमान युवाको भनाइ छ ।
एउटै बस्तीका बासिन्दा भएकाले एकार्काको पर्वमा सहभागी हुँदा सामाजिक सम्बन्ध प्रगाढ हुनका साथै दुखःसुख बाँड्ने कुरामा आपसी सहयोग बढ्ने गरेको हसिर्वा–७ का ३० वर्षीय इस्लाम अन्सारीले बताए । रासस
|
##
|
0 comments:
...