###
|
काठमाडौं, कार्तिक १८ । एकीकृत माओवादीका नेता अग्नि सापकोटाले विवादित विषयमा सहमति नभए प्रक्रियामा जाने कांग्रेस–एमालेको प्रस्तावलाई समर्थन गर्न नसकिने बताएका छन् । सात प्रदेश बनाउनुपर्ने कांग्रेस–एमालेको प्रस्ताव खारेज हुनुपर्ने भन्दै नेता सापकोटाले अन्यथा आफूहरु पुनः युद्धमा जान बाध्य हुने चेतावनी दिए ।राजधानीमा मंगलबार रिपोर्टस् क्लबले गरेको कार्यक्रममा उनले सात प्रदेश बनाउनुपर्ने कांग्रेस–एमालेको प्रस्तावलाई ‘पञ्चायती शैली’को भनी टिप्पणी गरे ।
कार्यक्रममा एमाले सचिव प्रदीप ज्ञवालीले एमाओवादीले मागेझैं जातीय आधारमा राज्य निर्माण गर्न नसकिने बताए । सबैलाई समेट्ने गरी सात प्रदेशको प्रस्ताव ल्याइएको उनको भनाइ थियो ।
यस्तै, कांग्रेस नेता रमेश लेखक, राप्रपा नेता दीपक बोहोरालगायतले सबै विषयमा छलफल गर्न सकिने भन्दै दलहरुले सहमतिको प्रयास जारी राख्नुपर्ने बताए ।
|
##
|
0 comments:
...