जवरजस्ती गर्न खोज्दा लिंग काटियो

###

सिरहा, असार ११ – सिरहाको भवानीपुर–६ की एक महिलाले जवरजस्ती करणी प्रयास गर्ने स्थानीय युवकको लिंग काटीदिएकी छिन् ।

गाउँमा खाजा पसल सञ्चालन गर्ने ती महिलाले मंगलबार राती आफूलाई जबरजस्ती गर्न खोज्ने २३ वर्षका विल्टु मुखियाको लिंग ब्लेडले काटिदिएको इलाका प्रहरी कार्यालय लहानका प्रमुख डिएसपी ज्ञानेन्द्र फूयाँलले जानकारी दिनुभयो ।

घाइते भएका मुखियाको धरानको विपी कोइराला स्वास्थ्य विज्ञान प्रतिष्ठान उपचार भइरहेको फुयाँलले जानकारी दिनुभयो । साना नानीहरुसँग सुतिरहेको वेला आएका मुखियाले जवरजस्ती गर्न खोजेपछि आक्रोसित महिलाले नङ काट्न राखेको ब्लेडले लिंग काटिदिएको जानकारी पाएको प्रहरीले जनाएको छ ।

##