बलिउड खलनायक सदाशिवको निधन

###

मुम्वई-बलिउडका चर्चित खलनायक सदाशिव अमरापुरकरको मुम्बईमा निधन भएको छ। ६४ वर्षीय अमरापुरकरलाई पछिल्लो ८ दिनदेखि धिरुभाई अम्बानी अस्पतालमा उपचारको लागि भर्ना गरिएको थियो। उनी फोक्सोको समस्याबाट पीडित थिए। पारिवारिक स्रोतअनुसार उनको सोमबार विहान २:४५ बजे निधन भएको हो।

अमरापुरकरले करिब २५० फिल्ममा काम गरेका छन्। अर्धसत्य, सडक, हकुमत, आँखे र इश्क उनले अभिनय गरेका चर्चित फिल्म हुन्। १९८४ मा 'अर्ध सत्य' को लागि सपोर्टिङ एक्टरको विधामा उनलाई फिल्म फेयर अवार्ड प्राप्त भएको थियो।

१९९१ मा 'सडक' को लागि अमरापुरकरले सर्वश्रेष्ठ खलनायकको फिल्म फेयर अवार्ड जितेका थिए। सन् २०१३ मा आएको बाम्बे टाकिज सदाशिवको अन्तिम फिल्म थियो।

##